Aretxabaletako kintoen dantzak, Santa Ageda egunean

Santa-eskean ibili eta gero, atzo, herria eta familia agurtzeko ospakizuna egin zuten 73 neska-mutil aretxabaletarrek. Txistularien laguntzarekin Durana kalean barrena kalejira eginez iritsi ziren kintoak plazara. Bertan, desafioa, banakoa eta agurra dantzatu zituzten. Baita fandangoa eta arin arina herritar, lagun eta familiartekoekin batera egin ere.