Kukumiku elkartean emango den saio honen helburua, hiru eta sei urte bitarteko seme-alabak dituzten gurasoei adin horretan matematikak daukan garrantziaz ohartaraztea da. Haur hezkuntzan dauden umeek jolastu besterik ez dutela egiten uste da, eta jolasen bitartez matematikarekiko erlazioa estutzea oso mesedegarria dela ziurtatzen du irakasleak, eragiketak egiteaz eta zenbakiak idaztetik askoz haratago doan gai bat delako, umearen buruan gertatzen ari den prozesu horretan, pentsamendu matematikoaren garapena jarraitzea oso garrantzizkoa delako.
Hirugarrenekoz ekarriko du Leire Aranak gai hau Kukumikura. Bertan, umeekin arratsalde lasai bat pasatzeaz aparteumearen hazkundearen eta gurasotasunaren inguruko hausnarketak egiteko lekua delarik.
Leirek saio erlaxatu bat izatea espero du, bertaratzen den jende guztia gustora egon dadin eta ikasitako gauzen laguntzarekin etxera itzultzea umeekin jolasteko eta momentu matematiko horiek bizitzeko gogoarekin.
Otsailaren 4ko saioan ildo teorikoa eta Leirek berak sortutako materialak erabiliko dira. Oso etapa sentsoriala izanik zentzumenak aktibatzetik hasiko da saioa, posible izanda ezer erosi gabe.
