Lekaixokaren lehen bertso saio musikatua, eta ez azkena

Lekaixoka bertso eskolako kideek bertso saio musikatua eskaini zuten, atzo, Aretxabaletako Orly tabernan. Modu horretan egin zuten lehenengoa izan zen, eta ez da azkena izango, formatu egokia dela ikusi baitute.

Ibon Leibar Txinbo bergararrak egin zituen gai-jartzaile lanak eta bertsotan, Lekaixokako kideek egin zuten. Oier Sarasuak eta Aitor Ziardegik lagundu zieten musikarekin. Herritarrak ere animatu ziren saioa ikustera eta giro ederra izan zuten.