Beñat Abasolo eta Nerea Elorza aretxabaletarrek, Markel Bazanbide eta Lorea Otaduy arrasatearrek eta Magali Plazaola hernaniarrak egindako lana da. Emanaldian bertan izango dira horiek ikus-entzunezkoa aurkezteko.
Eraikin horren gaineko dokumentala egin izanaren arrazoia egileetako batek, Beñat Abasolok, azaldu du: "Nik gaur egun kuartelean egiten ditut entseguak nire musika taldearekin. Denbora asko pasatzen dut bertan, esanahi handia dauka niretzat eta ez litzaidake gustatuko eraikin hori botatzea, ezta bertan gaudenok beste norabait bidaltzea ere. Udalak dio eraikina ez dagoela batere ondo, eta hoberena gu beste norabait bidaltzea dela; baina ez digute ezer garbirik esaten", eta gaineratu du: "Gai aproposa zela iruditu zitzaidan herrian iritzi kontrajarriak baitaude, batzuentzat ez dauka esanahirik baina beste batzuentzat handia".