Ainhoa Cabero pintura irakaslearekin batera deitu dute marrazki lehiaketa, eta horra aurkeztu dituzten marrazki guztiak daude ikusgai Arkupeko harreran.
Irabazlearenarekin, ostera, 2019ko irakur puntua egin dute eta hori etxe guztietara banatu egunotan. Hor azaltzen dira, gainera, liburutegiko 2019ko egutegia eta ordutegia.
Gabon egunetako ordutegia
Egun hauetako ordutegia ohiko izango dela gogorarazi dute liburutegiko kideek: astelehenetik ostiralera: 10:00-13:00 eta 16:00-20:00. Zapatuetan goizez bakarrik: 10:00-13:00. Itxita egongo da honako egun hauetan: 24, 25, 31 eta urtarrilak 1 eta 5 (zapatua).
Neguko gida eskuragai
Beste urte batzuetan lez Neguko Gida kaleratu dute haur, gazte zein helduentzako gomendioekin: "Bertan liburu, musika eta film proposamenak egiten ditugu bailarako beste liburutegiekin elkarlanean", jakinarazi dute.