Parke bateko zuhaitzak eta aldi berean itsasontzi bilakatzen diren bi mahai handi dituzte oholtza gainean hiru aktoreek. Malabareak egiten ditu kale garbitzaileak eta ipuinak kontatu ipuin kontalariak, baina konturatu dira azken aldian ez dituztela umeak ikusten eurekin malabareekin jolasteko edo eurei istorioak kontatzeko. "Arraroa da. Lehen gurasoei gertatu zitzaien, eta orain umeei. Ez dute denborarik izaten jolasteko".
Hodeik jolastu egin gura du. "Robot perfektua" ezagutzen du, gauzak gura dituena jolasteko. Baina Hodeik eskaintzen dizkion puxika eta uztaia ez dira jolasteko moduko objektuak robotarendako.