Begiraleen eginbeharrak honako hauek izango dira: eskulan tailerrak antolatu, puzgarrietarako txandak eta zainketa antolatu, sarrerak saldu eta parkea garbi mantendu, besteak beste. Hona hemen parkeko ordutegia: 11:00etatik 13:00etara eta 17:00etatik 20:00etara.
Begirale izatea nahi duten gazteek honako helbidera bidal dezakete curriculuma: gazteria@aretxabaleta.eus. Edo Haur eta Gazteria zerbitzura gertura daitezke, Aretxabaletako udaletxean. Curriculuma entregatzeko azken eguna, abenduaren 19a izango da. Lehentasuna, Aretxabaletako gazteek izango dute.
Hona hemen baldintzak:
- Ezinbestekoa izango da euskaraz hitz egiten ondo jakitea
- 18 urte beteak izatea
Baloratzeko orduan kontuan hartuko duten puntuazioa:
- Monitore titulua izatea: 5 puntu
- Monitoretza titulua ikasten egotea: 3 puntu
- Irakasle ikasketak eginda edo ikasten egotea: 3 puntu
- Aretxabaletako udaleku irekietan begirale izateagatik urte bakoitzeko: 1 puntu
- Gabonetako parkean begirale izateagatik urte bakoitzeko: 2 puntu
- Udaleku itxietan egindako urte bakoitzeko: 1 puntu