Euskararen Nazioarteko Eguna ospatu zuten Aretxabaletako Herriko Plazan elkartutako herritarrek atzo iluntzean. Hala, jai giroan, Euskaraldia borobildu zuten eta orain arteko konpromisoari eusteko gertu agertu ziren.
Leizarra musika eskolako helduen dantza taldearen emanaldiarekin hasi zuten iluntzea. Ondoren, Euskaraldiari atxikimendua adierazitako hainbat taldetako ordezkariak elkartu ziren oholtza gainean, eta Loramendi elkarteko kideek euskararen aldeko konpromisoari eusteko deia egin zuten. Dantzan eta txokolate beroa hartuta bukatu zuten ospakizuna.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.