15 urteko ibilbidea, argazkitik argazkira

Argazkiak: Maier Etxeberria

Duela hamarkada eta erdi –2003an– hasi zuen bere ibilbidea Jaiki taldeak. Euskal dantzez harago zegoen hutsunea betetzeko asmoz hasi ziren: dantza afrikarretatik, gaur egun jorratzen dituzten bat-bateko dantzetaraino. Atzokoan, urteurren borobila ospatzen hasteko, argazki erakusketa eta bideo proiekzioa egin zituzten, eta bertan bildutako 25 lagunek gozatu ederra hartu zuten. 

19:30ean zabaldu zuten Arkupe kultura etxeko erakusketa, elkarri agurtzeko jolas antzeko batekin. Jarraian, urte hauetan egindakoak errepasatzeko ikus-entzunezkoa proiektatu zuten, eta behin hau eginda argazkiak ikusteko aukera izan zen, edariekin eta jakiekin lagunduta.

"Urte guzti hauetan antolatu ditugun tailerren eta jolasen errepasoa egiten dute argazkiek, eta modu polita da ibilbide honetan zehar zian ditugun une goxo eta politak gogora ekartzeko" azaldu du Jaiki taldeko Maier Etxeberriak. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.