Lainopean baina giro onean ibili dira Ugastegi inguruan

Loramendi elkarteko Toponimia Taldeak deituta hemeretzi lagun joan ziren zapatuan Ugastegi inguruko parajeak bisitatzera. Ibilbide historikoen bueltan antolatutako hamargarrena izan da; lainopean, baina gustura jardun zuten kontu-kontari bazterrak ezagutzen sei ordu pasatxoan.

"Lagun arteko giro oso onean, lainopean baina euri baik, ederto ibili ginen", jakinarazi dute Toponimia Taldeko kideek. Horren erakusgarri Beñat Abasolok ateratako argazki sorta.