Aretxabaletaren eta Hernaniren aurkako partidua izan da, gaur, Ibarran, eta ezin izan dituzte hiru puntuak eskuratu Sergio Santanoren mutilek. 0-3 irabazi dute hernaniarrek, eta hauek izan dira jaun eta jabe berdegunean. Etxeko taldea, atzean sartuta aritu da, eta hiru golak bata bestearen ostean jaso dituzte. Lehena, lehen zatiko azken minutuetan izan da, eta hurrengo biak, berriz, bigarren zatia hasi eta gutxira.
Bosgarren jardunaldia Hernaniren aurka jokatu dute aretxabaletarrek, gaur, Ibarran, eta beharrezkoak zituzten hiru puntuak ezin izan dituzte batu.
Lehen zatiko 40. minutu aldera jaso dute lehen gola, eta bigarrena eta hirugarrena, berriz, bigarren zatia hasi bezain laster izan dira. Hiru gol jasota, orduan hasi dira joko pixka bat egiten aretxabaletarrak, baina ordurako ezin izan diote buelta eman markagailuari.
Hurrengora begira
Lehen bi partiduak galdu egin zituzten, eta hurrengo biak, berdindu. Hala, gaurko porrotarekin, datorren astean Mutrikuren arkako partiduari begira jarri beharko dira aretxabaletarrak, beheko postuetatik gorantza bidean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
