Euskaraldiarekin bat egin du UDA kirol elkarteko zuzendaritzak

Mirari Altube Arrese 2018ko urr. 3a, 10:16
UDAko zuzendaritzako kideak Euskaraldiarekin bat eginda.

Euskarari dagokion garrantzia eman gura izan dio Aretxabaleta kirol elkarteko zuzendaritzak, eta hala jakinarazi du: "UDA kirol elkarteak (gaur egun 1.200 pertsona baino gehiago mobilizatzen duen kirol kolektiboa) bat egin du Euskaraldiarekin eta herriko erakunde, pertsona eta agente guztiei ahobizi eta belarriprest izatera animatzen ditu, guztion artean euskararen erabilera sustatzeko".

Era berean, zera adierazi dute: "UDA kirol elkarteen balioen artean euskara inportantea da, eta kirolari, entrenatzaile eta zuzendaritzako kideentzat euskararen erabilera bultzatzeko hainbat egitasmo jarri ditu abian azken urteotan. Aurten, esaterako, Loramendi elkartearekin batera, kirol arloan euskaraz aritzeko ikastaro bat antolatu du entrenatzaileentzat. Helburua da, euskal hiztunak ez diren entrenatzaileek ere euskara ulertzeko gaitasuna izatea eta gutxieneko kirol arloko aginduak euskaraz helarazteko gaitasuna izatea".

Euskaraldian parte-hartzeko deia

Egitasmoan 16 urtetik gorako edozeinek parte-har dezake. Eta bi rol daude aukeran: ahobizi, euskaraz dakitenak, eta belarriprest, euskaraz hitz egiteko zailtasuna dutenak baina ulertzeko gai direnak. Aretxabaletan ere sortu da Euskaraldiaren taldea eta UDA kirol elkartetik dei egin gura izan die herritarrei taldera gerturatzeko eta informazioa eskatzeko: aretxabaleta@euskaraldia.eus

Era berean gogorarazi gura izan dute izena emateko epea zabalik dagoela. Hona hemen bideak:

  • On line: www.euskaraldia.eus
  • Herriko guneak: Arkupe, kiroldegia, udaletxea, euskaltegia eta Loramendi elkartea. 
  • Herriko kaleetan jarriko diren mahaiak. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak