Erakusketa: 'Margotutako hormak'

Josune Murgoitio arrasatearrak Margotutako hormak argazki-erakusketa zabalduko du Arkupen. Euskal Herrian hormetan egindako pintaden (graffiti politikoak eta sozialak) eta mural aldarrikatzaileen esanahia, balioa eta erabilera sinbolikoa aztertzea izan da asmoa, baina giza eta kultura antropologiaren perspektibatik, bake kulturari, memoriari eta giza eskubideei lotutako espazio publikoetan oinarrituta.

Irekiera ekitaldia egingo dute urriaren 5ean, 18:30ean, eta gero bisita gidatuak eskainiko ditu urriaren 9an (18:30) eta 20an (12:00).