Literatura solasaldiak antolatu ditu Udal liburutegiak eta urrian hasi eta abendura bitartean hiru izango dira. Horietan izena emateko epea egubakoitzean, hilaren 28an, bukatuko da. Horretarako liburutegira bertara jo daiteke, telefonoz deitu Arkupera (943 08 10 01) edo mezu bat bidali: liburutegia@aretxabaleta.eus.
Lehenengo solasaldia euskaraz izango da. Urriaren 30ean egingo dute (19:00), udaletxe zaharrean, eta Itziar Gomez idazle eta gidoilariak gidatuko du.
Hurrengo bi solasaldiak Ivan Repila idazleak gidatuko ditu, gazteleraz, eta azaroaren 13an eta abenduaren 11n izango dira (18:00), Arkupen.
Plazak mugatuak direnez lehenbailehen komeni da izena ematea.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.