Arkarazoko zelaietatik pasatzen da errekatxo hori hodi bidez kanalizatuta, eta aspalditxoan zebilen arazoak ematen; izan ere, hodi horrek ura galtzen du pitzaduren ondorioz, eta zelaietan pilatzen da. "Mendiak behera egiten du indarra eta horren eraginez hodiak mugitu egiten ditu pitzadurak sorraraziz. Hortaz, konpondu beharrean zegoen arazoa zen", argitu dute Ur Kontsortzioko ordezkariek.
Hodi hori berritzen dabil Sinzatec enpresa azken asteotan: "400 metroko tartean kanpoko hodiaren barruan dagoena beste batekin dabiltza berritzen". 150.000 euroko kostua dute lanek eta urri hasierarako bukatuta izango dituztela diote.
Asfaltatze lanak Arkarazon
Udalak beste lantxo bat egiteko asmoa ere badu Arkarazo auzoan: elizara bitartean dagoen errepide zatia asfaltatu. Aldundiaren laguntzarekin egingo dute hori.