GSR Debagoienako egoiliarren eskulanak, herritarrei begira

GSR Debagoienako egoiliarren eskulanak, herritarrei begira

Eskulanez bete da Arkupeko erakusketa aretoa, beste behin; GSR Debagoiena zaharren egoitzako egoiliarrek egindako eskulanekin oraingoan. Irailaren 25a bitartean izango dira ikusgai.

Astean bi arratsaldetan elkartzen dira 40 bat egoiliar eskulanak egiteko –uda sasoian gutxiago eta neguan gehiago–. Bertako terapeuten gidaritzapean, eta boluntarioen laguntzarekin, egiten dituzte lantxoak: "Norberaren interesen arabera aukeratzen dute zein lan egin: josi, puntua, margotu, marketeria kontuak… Nahiago izaten dute bingoan jokatu, baina eskulanak egitera ere pozik etortzen dira", adierazi du Irati Gallastegi terapeutak.

Arkupen jarritako erakusketarekin oso gustura daude: "Autoestimuarendako izugarrizko indarra da. Euren lanak herritarrek ikusiko dituztela jakiteak harrotasunez betetzen ditu", dio Gallastegik. Eta egoiliarrak eurak ere Arkupera gerturatzen dabiltza egunotan.