Lekaixokak bertso liburua egingo die 2017an jaiotakoei

Laugarrenez egingo dute jaioberriendako bertso liburua Lekaixoka bertso eskolako kideek. 2017an jaiotako umeei eskainitako bertsoak eta horien argazkiak jasoko dituzte. Liburuan parte hartzeko epea irailaren 30ean bukatuko da.

Interesatuek honako datu hauek eman behar dituzte: umearen izena, abizenak eta jaioteguna; guraso edo tutoreen izen-abizenak, nortasun agiriaren zenbakiak eta helbidea; umearen bi argazki, gutxienez; umearen deskribapen laburra: izaera, berezitasunak, familia-kideak…

Datuak posta elektronikoz bidal daitezke, lekaixoka@gmail.com helbidera, edo Arkupeko harreran utzi –CDa edo USBa–.

Abenduaren 3an liburu banaketa

Liburu hori abenduaren 3an, Euskararen Nazioarteko Egunean, egingo duten ekitalditxoan banatuko diete familiei Lekaixokako kideek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.