Denbora laburrean ur kopuru handia bota zuen atzo arratsaldean; Euskalmeten arabera, 10 minututan 5,3 litro metro koadroko Arrasate inguruan. Ondorioz, ur asko pilatu zen bazterretan eta horrek kalteak ere eragin zituen hainbat eraikinetan.
UDAren Ohorezko Erregionalekoen partidua, esaterako, txingorraren ondorioz ordubete atzeratu behar izan zuten, futbol zelaia ez zegoelako jokatzeko moduan. Aldageletan ere sartu zen ura.
Ibarra kiroldegian ere eragin zuen zaparradak. Igerilekuko sabaian ur poltsak sortu ziren filtrazioen ondorioz, eta hori horrela, gaur goizean itxita egon da arazoak konpondu eta garbitu bitartean.
Herriko hainbat komertziotan, garajetan eta baxutan ere sartu zen ura, baina ez zuen aparteko kalterik eragin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
