Gizonezko batek larrialdi zerbitzuen laguntza behar izan du Kurtzebarri menditik jaisteko

Aretxabaletako Kurtzebarri mendia.

Atzo, eguaztena, Kurtzebarri mendian galduta zegoen mendizale baten abisua jaso zuten SOS Deiak-en, 20:15ean. Itzulerako bidea aurkitu ezinik zebilen gizonezkoak berak egin zuen deia, behe-lainoa sartu zela eta galduta zegoela esanez.

Whatsapp aplikazioaren bitartez bere mugikorraren kokapenaren koordenatuak lortu eta bere bila abiatu ziren Ertzaintzako Mendiko Taldea eta suhiltzaileak. Euren laguntzarekin, 21:30erako autoa utzitako tokira iristea lortu zuen mendizaleak, onik. 44 urte ditu eta gasteiztarra da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.