'El Comensal' taldeak irabazi du Kuadrillen Arteko Futbol Txapelketa

Aretxabaletako El Comensal taldeak irabazi zuen Kuadrillen Arteko Futbol Txapelketa, atzo, Ibarran. Eskoriatzako Kurtzebarri taldearen aurka jokatu zuten finala, eta 1-1 amaitu zuten. Ostean, penaltietan lortu zuen garaipena atxabaltarrek. Hirugarrena, Hotel Cabeza taldea izan zen, eta laugarrena, berriz, Spat taldea.

Hamahiru talde batu ziren, atzo, Ibarra futbol zelaian Kuadrilen Arteko Futbol 7 txapeketa jokatzeko. Partidu asko jokatu ziren, eta giro aparta izan zela adierazi du Ibai Zangitu antolakuntzako kideak: "Giro ederra izan genuen. Adierazi beharra dago emakumezko talde bakarra izan zela eta sekulako maila eman zutela. Horrez gain, aramaioarrak izan ziren giro gehien jarri zutenak, eta gure balorazioa positiboa da. Datorren urtean, berriz egingo dugulakoan nago…".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.