Lagun kantaren bideoklipa ikusgai dago Youtuben. Wood Strings taldeak argitaratu zuen eta ikus-entzunezkoa Beñat Abasolo aretxabaletarrak zuzendu eta ekoiztu zuen. Grabaketak Aretxabaletako kuartel zaharrean burutu ziren eta 40 lagun inguruk parte hartu zuten.
Taldearen kantuak bandcamp plataforman daude entzungai. Lagun kantaz gain, beste hiru abesti dituzte.
2016ean hasi
Wood Strings taldeak ibilbide txikia du, izan ere, orain dela bi urte sortu zen. Proiektuaren taldekideak Paul Casal, Mikel Usobiaga Uso, Asel Errasti, Oier Arregi eta Eñaut Zubizarreta dira. Oraindik bidea laburra izan arren, Euskal Herriko hainbat txokotan eskaini dituzte kontzertuak, besteak beste, Elorrion eta Mutrikun.