Gurasoentzako eta ikasleentzako jolasekin hasiko dituzte ekitaldiak (10:30), Herriko Plazan, eta orduan jasoko dituzte tartak lehiaketarako. Eguerdiarekin batera (12:00) kalejiran joango dira, Kurtzebarriko Batukada, erraldoiak eta buruhandiak lagun hartuta. Eguzkiari agurra ikuskizuna egingo dute (13:00), eta Iturrigorri pilotalekuan elkartuko dira gero bazkaltzeko (14:30).
Adarbakar urdina txotxongilo saioa izango dute bazkalostean neska-mutikoek (16:00), baita dantzaldia ere, AZ Gaubelak taldearekin (16:00-18:00). Horiez gain, umeek gaztelu puzgarriak izango dituzte eskolako patioan eta gainerakoek bolo txapelketa jokatuko dute.