Aretxabaleta Lanbide Eskolako ikasleek Euskelec lehiaketan hartuko dute parte ekainaren 9an. Ibilgailu elektriko bat eraiki beharra dago horretarako, eta ikasle aretxabaletarrek txasisaren diseinua eta fabrikazioa egin dute ikastetxean. Ibilgailu hori Herriko Plazan jarriko dute ikusgai, egubakoitzean (18:00).
Goi mailako zikloak ematen dituzten ikastetxeak batzen dituen lehiaketa teknologikoa da Euskelec. Eta parte-hartzaile bakoitzak ibilgailu elektriko bat eraiki du han aurkezteko. Zapatuan, Gasteizko Mendizabalako aparkalekuan egingo den norgehiagokan (10:00-14:00) ibilgailuaren diseinua, prestazioak eta gainerako ezaugarriak izango dira jokoan. Lehiaketa hori mugikortasun jasangarria bultzatzeko jarri zen abian, eta EAEko hamaika ikastetxek hartuko dute parte.
Ibilgailua gertutik ezagutzeko aukera
Txasisaren diseinua eta fabrikazioa egin dute ALEn, eta egindakoaren berri emateko ibilgailu elektrikoa Herriko Plazara eroango dute egubakoitzean, ekainaren 8an, 18:00etan; prozesuaren gaineko azalpenak emango dizkiete gerturatzen direnei.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
