Txistulari doinuekin eta neska-mutikoen dantzekin bete dira kale bazterrak gaur. Haur Dantzarien Egunak Arrasateko, Oñatiko, Antzuolako eta Soraluzeko umeak ekarri ditu Aretxabaletara bertakoekin bat egin eta erakustaldi dotoreak eskaintzeko.
Jai giroan jardun dute dantzan eta jai giroa sortu dute herrian. Goiz partean lau gunetan banatuta egin dituzte dantza saioak: Lausitta, Ilargi eta Herriko plazak eta Durana kalea. Eta arratsaldean alardea eskaini dute guztiek batera Herriko Plazan. Eguraldia lagun, aparteko eguna bizi izan dute, eta era berean, harrobia badagoela erakutsi.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.