Laugarrenez antolatu du Jaiki elkarteak, Udalaren laguntzarekin, Dantza Astea. Maiatzaren 25etik ekainaren 1era artean ikuskizun eta saio mordoa eskainiko dituzte, baita ikastaroak ere, besteak beste, tangoa eta dantza afrogaraikideak helduendako eta Kontakids eta dantza urbanoak umeendako. Hilaren 26an izango dira horiek.
Helduek bi izango dituzte: batetik, tangoa ikasteko saioa, kuartelean (10:00-13:00). Gasteiztik etorriko diren Teok eta Pilik egingo dituzte irakasle lanak. Eta bestetik, dantza afrogaraikideak izango dira protagonista Arkupen (10:00-13:00), Arantza Iglesiasen gidaritzapean.
Umeek, 2 eta 5 urte artekoek, Kontakids saioa izango dute, Zigor Lasagabasterrek gidatuta, kiroldegian (11:00-12:00). Eta helduagoek, 6 urtetik gorakoek, dantza urbanoak egingo dituzte Iruñeko Yummygyalsen eskutik.
Izena emateko epea zabalik dago. Hona bideak: tangoa eta Kontakids: 688 84 37 01; afrogaraikideak: 659 35 92 21; eta dantza urbanoak: 688 81 96 65. Baita jaikielkartea@gmail.com helbidean eta Facebook bidez ere.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
