Lau hitzaldi gurasoen trebakuntzan laguntzeko

Lehen eta Bigarren Hezkuntzan seme-alabak dituztenen gurasoen zalantzak argitzeko hainbat gairen gaineko hitzaldiak antolatu dituzte Udalak eta Guraso Foroak elkarlanean; udaletxeko ganbaran izango dira, astean bat, ekaina bitartean.

Gurasoak trebatzen jarraitzeko asmoarekin antolatu du hitzaldi sorta Udalak, Guraso Foroarekin batera: "Horien bitartez, familia bizitzan sortu ohi diren egoera zailak bideratzen lagundu nahi diegu", adierazi dute antolatzaileek, eta gaineratu: "Aktualitateko gaiak dira guztiak, etxe askotan kezka iturri direnak".

Gurasoak, irakasleak eta hezitzaileak gonbidatu gura dituzte: "Mugikorra duen haurraren gurasoa edo erostear dagoena. Beste herrialde batzuetako haurrekin ikasten ari diren haurren gurasoak eta etorkinak diren gurasoak; baita ikastetxeetako irakasleak ere. Hirugarrenerako, sare sozialak ezagutzen ez dituzten gurasoak: alta nola eman, zer diren, nola funtzionatzen duten ikasi nahi dutenak. Garrantzitsua baita sare sozialetan ere nola eta norekin ibiltzen diren jakitea. Azkena nerabeen gurasoei zuzenduta dago. Nerabezaroa aro gorabeheratsua da, emozioak puri-purian dauden aroa, alegia. Bullying-a gai hartu nahi dugu, eta familian nola lagun daitekeen aztertu".

Hitzaldi guztiak udaletxeko ganbaran dira, euskaraz eta gazteleraz, eta parte hartzeko ez dago izenik eman beharrik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.