Irakurle Kluba jarriko du abian Loramendik eguaztenean

Karmele Igartua aretxabaletarraren Itsaso kontra bat poesia liburuarekin jarriko du abian Loramendi elkarteak Irakurle Kluba. Itziar Gomez Sarasola idazle eta gidoilariak gidatuko du eta eguaztenean, hilaren 18an elkartuko dira udaletxe zaharrean, 19:00etan.

Loramendi Euskara Elkartekoek sortu dute dagoeneko Irakurle Kluba eta prestatu dituzte irakurketa egunak. Genero ezberdinak tratatuko dituzte irakurketetan, eta lehenengoa apirilaren 18an izango da. Hasiera batean, apirilaren 17an ziren egitekoak, baina eguna aldatzea erabaki dute.
 
Ekimena poesiarekin hasiko dute; hain zuzen ere, Karmele Igartuaren Itsaso kontra bat liburuarekin. Norbanako bakoitzak bere kabuz liburua irakurri du, eta eguaztenean solasaldia egingo dute. Hori gauzatzeko, dinamizatzaile lanetan Itziar Gomez Sarasola idazle eta gidoilaria izango da. Horren ostean, beste hainbat saio egingo dituzte, eta bertaratzeko interesa duenak Loramendi elkartean galde dezake.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.