Loramendi Euskara Elkartekoek sortu dute dagoeneko Irakurle Kluba eta prestatu dituzte irakurketa egunak. Genero ezberdinak tratatuko dituzte irakurketetan, eta lehenengoa apirilaren 18an izango da. Hasiera batean, apirilaren 17an ziren egitekoak, baina eguna aldatzea erabaki dute.
Ekimena poesiarekin hasiko dute; hain zuzen ere, Karmele Igartuaren Itsaso kontra bat liburuarekin. Norbanako bakoitzak bere kabuz liburua irakurri du, eta eguaztenean solasaldia egingo dute. Hori gauzatzeko, dinamizatzaile lanetan Itziar Gomez Sarasola idazle eta gidoilaria izango da. Horren ostean, beste hainbat saio egingo dituzte, eta bertaratzeko interesa duenak Loramendi elkartean galde dezake.
