Haur masaje ikastaroa emango dute Kurtzebarri eskolan apirilean

Azken urteetan legez, haurrendako masaje ikastaroa antolatu du Kurtzebarri eskolak. Sei hilabete arteko umeak dituzten familiendako da eta apirilaren 16an hasiko dituzte.

Astelehen eta eguaztenetan izango dira saioak (17:30), Kurtzebarrin bertan; hona hemen egunak: 16, 18, 23 eta 25. Izena emateko epea apirilaren 9an zabalduko dute; eskolara deitu behar da horretarako (943 79 00 49).

"Zure umetxoarekin batera hazkunde goxoa bideratzen duen esperientzia da", adierazi dute eta jantzi erosoak eta esku-oihala eramatea gomendatu dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.