Euskaldun torneoan lider dago Garazi Estebez Eibarko lasterketa irabazita
Itziar Larrañaga Sarasola
2018ko mar. 22a, 09:28
Domeka goizean 1. Eibarko Hiria Saria Nagusia lasterketan garaipena eskuratu zuen Gipuzkoa Ogi Berri taldeko Garazi Estebez aretxabaletarrak, kadete mailan. Goizeko bederatzietan ekin zioten 33 kilometroko ibilbideari; eguraldia, euria, etsai izan zuten lasterketa guztian zehar, baina Estebezek gailentzea lortu zuen.
Club Ciclista Eibarres elkarteak lehenengoz antolatutako lasterketak interes handia piztu zuen domekan, eta publiko dezente batu zen helmugan. Kadete mailako lasterketa Eibarretik Bergararaino joan zen, bueltan Eibarren amaituz. Lasterketako sailkapeneko datu zehatzak oraindik ez ditu jakitera eman Gipuzkoako Txirrindularitza Federazioak.
Ramon Beitiak egindako kadete mailako lasterketaren laburpena: