Beharrezko hiru puntuak lortu ditu UDAk Mutrikuren aurkakoan (1-0)

Julen Eraña baloiaz.

Ohorezko erregional mailako UDA Aretxabaleta taldeak Mutrikuren aurkako partidua jokatu du gaur, Ibarran, eta 1-0eko markagailuarekin amaitu da partidua. Gola, Julen Erañak sartu du, eta hala, beharrezko hiru puntuak lortu dituzte Iñigo Velezen mutilek.

Bolada txarra izan du azken jardunaldietan Aretxabaletak, baina gaur, Ibarran jokatu den partiduan, hiru puntuak lortu ditu etxeko taldeak.

Lehen zatia, hutsean amaitu da, eta bigarren zatian, etorri da partiduko gol bakarra. Zaitegik baloia ondo borrakatu ostean, Julen Erañak barrura sartu du, eta 1-0 jarri dira aurretik markagailuan. Hala, 90 minutuak heldu arte, borrokatzen aritu da Aretxabaleta, eta helburua lortuta, datorren astean, Oiartzun taldearen aurkako partidua prestatzen hasiko dira lehenbailehen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.