Euskaltzain oso izendatu berriek Euskaltzain emeritu diren Patxi Uribarrenek eta Joan Mari Torrealdaik utzitako hutsunea beteko dute.
Orain zortzi hilabeteko epea dute sarrera-hitzaldiak gertatzeko, eta berdin erantzunezko idazkia egin behar duten euskaltzainek bereak prestatzeko. Behin hori egindakoan, harrera ekitaldia egingo da.
Euskaltzaindiaren Hiztegiaren arduradun
Joan Mari Torrealdai euskaltzain emerituaren lekua beteko du aretxabaletarrak. Euskal Filologiako doktorea da bera (EHU, 1997), UZEIko langilea 1983tik, Lexikografia saileko zuzendaria 1992tik eta, teknologiei lotutako lan lexikografikoekin batera, Euskaltzaindiari lotutako lanetan dihardu. Hain zuzen Hiztegi Batuko lantaldeko kide da 1999tik eta Euskaltzaindiaren Hiztegiaren arduradun 2013tik. Euskararen Aholku Batzordeko kidea ere bada 2007tik.
