Apotzaga (Eskoriatza) eta Apotzagaetxebarri (Aretxabaleta) auzoek dituzten altxorrak agerian utziko ditu domekan, otsailak 25, Aitor Antxia Leturia historialari eta artxibo kontuetan adituak. 10:30ean egin dute hitzordua Ibarra kiroldegian handik abiatzeko (autoan zein oinez). Arkupen aurrez izena ematea gomendatu dute.
"Apotzagako kanposantua bisitatuko dugu. Sarreran dagoen Galartzatik eroandako bataioponte erromanikoaren eta Marindik eramandako bidegurutze gotikoaren gainean jardungo dugu, besteak beste", jakinarazi du Antxiak. Elizara ere joko dute erretaula eta aldarea ikusteko, eta San Bernabera ere joango dira San Trokazi bisita egiteko.
Apotzagaetxebarrin dagoen Salluente ermita izango dute hurrengo jomuga. "Han dauden hiru erretaulak eta harlauza dotorez egindako zorua ikusiko ditugu, besteak beste". Ohi duten legez, bisita gidatua bukatuko dute mokadutxo batekin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
