Bi kategoriatan banatuta hartuko dute parte dantzariek; gaztetxoek, euren koreografiak erakutsiko dituzte eta helduek lehiaketan hartuko dute parte. Hain zuzen azken horretako irabazleek, diru sariaz gain apirilaren 21ean Derion egingo den BreakOnStage jaialdian parte hartzeko txartela lortuko dute. Epaimahaia osatuko dute dantza urbanoan eta garaikidean adituak diren Zaragozako hiru dantzarik: Ruben, Pitu eta Sara.
Hona hemen egitaraua:
- 18:00ak, Ateen irekiera.
- 18:30ak, Epaimahaikideen dantza urbanoen erakustaldia.
- 18:40ak, Gaztetxoen koreografiak: hamaika dantza akademiatatik etorritakoak.
- 19:30ak, Fun Dantz! lehiaketa nagusia: hamabost talde: Women's worth (Bilbo), Bamboo (Donostia), Fusion Noise (Bilbo), Sjb Crew (Irun)…
- 20:40ak, Sari banaketa ekitaldia.
