Zapatua izanik, eskoletako haurrak ez dira hurbildu oraingoan Salluente ermitara, baina, hala ere, txiki gelditu da beste behin San Blas eguna ospatzeko baseliza. Ereinotza eskuan hartuta eta San Blas opilak gertu aretxabaletar asko igo dira Apotzagatxebarri auzoko ermitara. Mezan, kandelak bedeinkatzeko aukera ere izan dute herritarrek, atzo, Kandelaria eguna izan zelako, eta meza ostean, abadeak herritarrek eraman dituzten jakiak bedeinkatu ditu.