Euskal filologiako doktorea da Miriam Urkia (Aretxabaleta, 1965) eta UZEIn dihardu lanean 1983az geroztik. Lexikografia saileko zuzendaria da eta teknologiei lotutako lan lexikografikoak egiten ditu, bereziki Euskaltzaindiari lotutako lanetan dabil. Hiztegi Batuko lantaldeko arduraduna da, euskaltzain urgazlea 2003tik eta Euskaltzaindiaren Gipuzkoako ordezkaria 2017tik. Euskararen Aholku Batzordeko kidea ere bada 2007tik.
Karmele Jaio (Gasteiz, 1970) kazetaria eta idazlea da. Eta Roberto Gonzalez de Viñasprek (Bilbo, 1961) Hizkuntza Normalkuntzaren alorrean egiten du lan Jaurlaritzan, Euskaltzaindiaren Arabako ordezkaria da eta Onomastika batzordeko kidea.
Azaroan euskaltzain emeritu izendatutako (75 urte beteta dituztelako) Patxi Uribarrenek eta Joan Mari Torrealdaik utzitako hutsunea beteko dute hiru horietako bik.