Geldi ez egoteko proposamen bi egin dituzte Ibarra kiroldegiko ordezkariek Gabon egunetarako. Batetik, familia giroan patinatzeko aukera eskainiko dute, eta bestetik, puzgarrietan jolasean jarduteko. Patinatu gura dutenek aurretik izena eman beharra dute.
Patinak jantzita abenduaren 27an, eguaztena, arituko dira, 10:30etik 12:30era bitartean. Izena emateko epea zabalik dago eta izen-emate ordena errespetatuko dutela adierazi dute antolatzaileek; horretarako azken eguna hilaren 22a da. Hona hemen bideak: 943-03 98 42 eta info@ibarrakiroldegia.eus.
Gaztelu puzgarriak, ostera, hilaren 28an, eguena, jarriko dituzte kiroldegian, 10:00etatik 13:00etara bitartean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.