Kurtzebarri eskolak, institutuak eta ALEk bat egingo dute grebarekin bihar

Aretxabaleta Lanbide Eskolan gaur, abenduak 11, egindako elkarretaratzea.

Hezkuntzako hainbat sindikatuk eta eragilek abenduaren 12rako deitu duten grebarekin bat egingo dute Aretxabaletako eskolek ere. Kurtzebarri eskolan, institutuan eta Aretxabaleta Lanbide Eskolan ez da izango eskolarik.

Zerbitzu minimoak izango direla iragarri dute hiru egoitzetan. ALEko kideak Gasteizen egingo duten manifestaziora joango dira. Kurtzebarri eskolakoek gogorarazi dute azaroaz geroztik martitzen arratsalde eta egubakoitz goiz guztietan egin dituztela elkarretaratzeak, Herriko Plazan, murrizketen aurka.

Irakasle, Hezkuntza bereziko hezitzaile, sukaldari, garbitzaile eta Haurreskolak Patzuergoko langileei egin diete grebarako deia ELA, LAB eta Steilas sindikatuek Lan baldintzak hobetu, hezkuntza eraiki! leloarekin. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.