Indartsu ekin diote etxekoek partiduari eta lehen zatian Zaitegiren eta Anderren gol banarekin UDA markagailuan aurretik jarri da. Bazirudien Aretxabaletakoek neurria hartuta ziotela Amaika bat taldeari, baina minutuak aurrera egin ahala egoera zeharo aldatu da.
Lehen zatia amaitzeko minutu gutxi falta zirenean, Debakoek lehen gola sartu dute eta horrela joan dira aldagelara (2-1).
Bi zatian gainbehera
Bigarren 45 minutuak oso bestelakoak izan dira. Amaika batek hasieratik kontrolatu du partidua. UDAk ez du bere jokoa egiten jakin, eta akats defentsibo batzuengatik, atsedenalditik bueltako lehen minutuetan bi gol sartu ditu talde bisitariak.
Horren ostean Debakoak euren kanpoan gotortu dira eta Aretxabaletakoek ezin izan dute hesi hori apurtu. Kontuak horrela, partidua 2 eta 3 amaitu da eta hiru puntuak Debara egin dute ihes.