Iñaki Viñaspre eta Beñat Ugartetxea lagun hartuta ospatu dute bertso eskolaren urteurrena

Aretxabaletako bertso eskolak hamar urte bete ditu, eta hori, bertsotan jardunda ospatu gura izan dute. Iñaki Viñaspre eta Beñat Ugartetxea bertsolariak gonbidatu zituzten atzo, eta herria girotu zuten han eta hemen kantuan eginda.

Bertsoen bueltan hainbat lagun elkartu eta lanean hasi zirenetik hamar urte pasatu dira. Batzuk joan eta beste batzuk etorri, oraindik gogotsu jarraitzen dute hainbatek lanean –Lekaixoka izenaren inguruan orain– eta horiek elkartu eta bertsotan jardun zuten atzo iluntzean. Gonbidatuek, Viñasprek eta Ugartetxeak, saio politak eskaini zituzten, tabernetan zein herriko hainbat txokotan, baita Xabi Igoa aramaioarrak ere. "Giro bikaina izan dugu, batez ere, Mitarte kaleko oholtza gainean egin dutenean kantuan. Hortaz, oso pozik gaude", zioen eskolako kide den Martin Berrizbeitiak.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.