Baltistan Fundazioarekin elkarlanean jardun dute, eta hain zuzen Baltistango neska-mutikoei laguntzeko jaialdia izango da egubakoitzean Herriko Plazan egingo dena. Hona hemen egitaraua:
- 17:00 Eskulanak umeendako.
- 18:00 Merienda: txokolatea eta bizkotxoa.
- 18:30 Haur berbena Txurru DJak girotuta.
- 17:00-19:30 Elkartasun mahaia: Itsulapikoak eta elkartasun bonuak egongo dira salgai.
Elkartasuna agertzeko hainbat modu daudela azpimarratu dute Guraso Foroko kideek: "Antolatzaileok herritar guztiak animatu nahi ditugu jai honetan parte hartzera. Modu asko daude elkartasuna agertzeko: izan daiteke itsulapikoan borondatea botata, etxean egindako bizkotxoa ekarrita guk saltzeko, eskulanak eginda, txokolatea eta bizkotxoa janda, bizkotxoa erosita, eta 50 euroko bonuak erosita". Bonu horietako bakoitzarekin neskato baten urte osoko eskola gastuak estaltzen ditu fundazioak.
