Bi film emango dituzte (19:00); martitzenean, Emakundek sustatutako Volar dokumentala; eta eguenean, Iban Gonzalezek zuzendutako Ama, nora goaz? Bestetik, udal agintariek berdintasun politiketan trebatzeko formakuntza saioa jasoko dute astelehenean.
Autodefentsa feminista tailerra
Azaroaren 25ean, ostera, autodefentsa feminista tailerra egingo dute, Bizipen eta emozioak konpartituz erasoei aurre egiteko estrategiak landu lelopean, eta Emagin ikerkuntza zentro feministako kideek gidatuko dute. Izena emateko epea zabalik dago, hilaren 23a arte (Arkupen).
Urtero legez elkarretaratzea ere izango da datorren zapatuan (19:00), eta ondoren, La máquina del Dueño antzezlana eskainiko du Plataforma tirante y Kely taldeak. Ekitaldiok bukatuko dituzte mokadutxoarekin.
Adierazpen instituzionala
Indarkeria matxistatik libre egongo den gizartearen alde izeneko adierazpen bateratua onartu zuen udalbatza joan den eguaztenean egindako osoko bilkuran. Eta hainbat konpromiso onartu zituzten, besteak beste, biktimekiko erreparazio-eskubidearen aitortza, eta berdintasun-unitateei beharrezko baliabide tekniko eta ekonomikoak ematea 2018ko aurrekontuan. Indarkeria matxista adiera erabiltzea ere adostu zuten.