Igarri da Bilboko Otxartabe taldeak maila altua duela. Arlo teknikoan bai, baina bereziki arlo fisikoan nabaritu da aretxabaletarrak baino gorago daudela. Hala ere, Arkaitz Riberaren mutilek azkenera arte borrokatu dute, eta izan dute binako berdinketa lortzeko aukeraren bat edo beste. Joseba Errasti 'Txitxo' eskoriatzarrak egin du etxekoen gola, falta jaurtiketa eder batekin.
Lehen zatia 0-1ekoarekin amaitu da eta bilbotarrek bigarrena egin dute bigarren zatia hasi eta berehala. Kolpea izan da UDArentzat baina minutuak aurrera egin ahala –eta bihotzarekin buruarekin baino gehiago– gerturatzen joan dira aurkarien atera. Hala, 15 minuturen faltan Joseba Errasti Txitxo-k 1-2koa egin du falta bat maisuki jaurti ostean. Azken txanpan atezainarekin ere jokatu dute etxekoek, baina ez da posible izan; gertuago egon da 1-3koa 1-2koa baino.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
