Kooperatiben arteko hirugarren lasterketa solidarioa egin dute gaur, domeka, goizean Urkuluko urtegian. 20 taldek hartu dute parte. Hiru sari banatu dituzte: mutilen kategorian Tafallako Ederlan lantegikoak izan dira helmuga zeharkatzen lehenengoak; emakumezkoetan, Mondragon Unibertsitatekoak eta talde mistoan Copreci lantegikoak. Korrika gainera, oinez eta nordic walking modalitateak ere izan dira gaurkoan.
Helburu bikoitza izan du, baina, aurtengo lasterketak: ohi moduan Mundukideren lana gizarteratzea eta proiektua aurrera eramateko babesa lortzea, batetik, eta Tafallako Ederlan lantegiaren hamargarren urteurrena aitzakia hartuta, Gerna elkartearentzat–Nafarroako gaixotasun arraroen elkartea–dirua batzea. Biharko, astelehena, Hemen Debagoiena saioan gaurko lasterketari buruzko erreportajea eskainiko da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.