Gaur, astelehena, Gauardia aldera joan dira egunpasa. Eta bihar, martitzenean, (09:30) mendi irteera egingo dute Apotzaga aldera Jesus Osinagak gidatuta. Arratsaldean (18:30), ostera, dotore jantzi eta Basotxo inguruan jarritako alfonbra gorriaren gainean jardungo dute Aretxarterekin batera antolatutako moda desfilean.
Eguaztenean Oñatiko Arrikrutz kobak ezagutzera joango dira (09:30-13:30), eta iluntzean kantuan egingo dute Aretxabaletako kaleetan. Eguenean (18:00) txokolate jana izango dute txistulariek eta dantzariek girotuta eta H. Kinta y Ku taldeak dantzan jarriko ditu erretiratu guztiak.
Eta astea bukatzeko, irailaren 29an, (17:15) gazta dastatzea eskainiko die Felix Ajuria gaztagile otxandiarrak.
Horrez gain eskulanen erakusketa ere izango da aste guztian erretiratuen elkartean.