Bi jarduera jarriko ditu abian Atxabalta Mugik irailarekin batera: batetik, yoga, eta bestetik, koordinazioa, oreka eta indarra. Astelehenean, irailaren 18an, hasiko dute denboraldia eta izena emateko epea zabalik dago Ibarra kiroldegian.
Plazak mugatuak direla iragarri dute, hortaz, interesatuek lehenbailehen jo dezatela kiroldegira (943 03 98 42 eta info@ibarrakiroldegia.com). Bi ikastaro horietan jarduteko ezinbestekoa da Atxabalta Mugin izena emanda egotea, hortaz, baten batek interesa izango balu eska ditzala argibideak kiroldegian edo Atxabalta Mugiren bulegoan (Durana kalea, 11).
Astean bi saio
Astean bina saio eskainiko dituzte. Yoga eskolak izango dira martitzenetan eta eguenetan (16:00-17:15). Eta koordinazioa, oreka eta indarra lantzen duen jarduera saioak astelehen eta eguaztenetan (16:00-16:45).
