Atzo ekin zioten merkealdien azokari Aretxarte merkatarien elkarteko kideek eta bihar 15:00retan bukatuko da azoka bisitatu eta bertako produktuak erosteko aukera. Arropa, lentzeria, oinetakoak, jatekoa... Denetariko eskaintzak daude bertan egunotan. Udako arropa ipini dute salgai dendariek, baina negura begira ere badituzte eskaintzak merke.
100 euroko bi bonu
Azokara gerturatzen diren bezeroek saria ere lor dezakete, 100 euroko bi bonu zozketatuko dituzte-eta Aretxarteren komertziotan gastatzeko. Gainera, UDAk, bere alea ere ipini du eta urte osoko bi abonu zozketatuko ditu.
