Antolatzaileek izena aurrez emateko aukera eman dute, Ibarra kiroldegian edo www.herrikrosa.eus webgunean eta prezioa sinbolikoa da, 5 eurokoa. Egunean bertan ere egongo da izena emateko aukera, baina orduan atletek 15 euro ordaindu beharko dute.
Lehenengo, gaztetxoak
Ohi moduan haur eta gaztetxoen lasterketek ekingo diote egunari. 10:00etan benjamin mailakoak hasiko dira lasterketekin, eta jarraian egingo dituzte alebinen (10:10) eta infantilen (10:20) lasterketak –adin bakoitzak distantzia konkretua izango du–.
Helduen lasterketa, berriz, 11:00etan izango da. Urtero moduan 8.410 metroko proba izango da, eta bikote mistoen kategoria ere egongo da.
