Egiazko pertsonaiak eta gertakariak dakartza Uribek hirugarren eleberrian, Urresti erizain ondarrutarraren eta Letamendi musikari bilbotarraren istorioa, hain zuzen ere. Hiru belaunaldiren arteko kronika egin du lau zatitan banatuta: 1927-1943, 1943-1950, 1953-1979 eta 2010-2011. Hala, XX. mendeko Euskal Herriaren historiaren atal garrantzitsua jaso du familia baten bizipenetan oinarrituta.
Eleberrian jasotakoen eta istorioaren atzeko kontuen gainean egingo du berba Uribek Arkupen elkartzen direnekin, eta entzuleen galderak erantzuteko gertu etorriko da.
