Aretxabaletako alkateak dei egin die herritarrei kalera ez irteteko

Aretxabaleta eta Leintz aldea, oro har, izan da haizeteak gehien kaltetu duena. Hori horrela, Aretxabaletako alkateak aditzera eman du, Udalak herritarrei eskatzen diela beharrezkoa ez bada etxetik eta irteteko; teilak eta bestelakoak erortzeko arriskua dagoelako. Bestalde, adierazi du Ibarra Kirol guneak kalte handiak izan dituela eta, ondorioz, egunak beharko direla normaltasunera itzultzeko. Oraingoz, gaur bertan behera geratu dira kirol jarduera guztiak Ibarran. Herriko frontoiko teilatu zatia ere eroan du haizeteak.