Eguenetik domekara arte, Kanuto deuna ospatuko dute aretxabaletarrek

Imanol Beloki Unamuno 2017ko urt. 17a, 10:22
Orain dela urte batzuk egindako festan, Kanuto Deuna.

Kalamuaren legeztatzearen eta normalizazioaren aldeko Kanuto deuna, urtarrilaren 19tik 22ra bitartean ospatuko da Aretxabaletan. Hainbat urtez festa ez bada ospatu ere, Aretxabaletako gazte talde batek, berriz ospatzea erabaki du.

Hori horrela, ekintza ugari prestatu dituzte lau egunetarako, eta batez ere musika izango da egitarauko azpimarragarriena. Izan ere, Krisis eta Crap taldeen emanaldiak, DJ Loro, Iñaki Cerqueira, Akerjembre… bezalako disko-jartzaileak izango dira, besteak beste.

Festaz gain, aldarrikapena

Antolakuntza taldeko kideen esanetan, festa egun bat baino, aldarrikapen egun bat ere badela adierazi dute: "Hamar urte inguruz ospatu da Aretxabaletan festa hau, eta urte batzuk geldi egon ostean, berriz ere ospatzen hastea erabaki dugu. Hilaren 19an izango da egun handia, baina aste bukaera osorako egitaraua ere prestatu dugu". Musika, mahai jolasak, film emanaldia… izango dira, eta herritar guztiak ekintzetara gerturatzera eskatu dute antolakuntzatik.

Bazkari bikaina zapatuan

Zapatua, urtarrilaren 21ean, bazkaria izango da Ezkutun. Horren ardura, Atseden ardandegiko Ibai Luelmok izango du, bera izango baita bazkaria prestatuko duena. Patatak errioxar erara, txerri-masailak, ardo beltzarekin, gazta tarta, ura, ardoa eta sagardoa  izango dira menuan.

Bazkarirako, 70 pertsonentzako muga jarri dute, eta dagoeneko salgai daude txartelak; Ezkutu, Kixkor eta Haizea tabernetan, 15 eurotan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak